उन्हाळयाच्या सुटी नंतर मित्रांना भेटण्याचा ध्यास होता
शाळेचा मजा काही औरच होता
नवं कोर दप्तर नवी नवी छत्री
गावाला घडलेल्या नव्या गमतींची जंत्री
गमती सांगण्याचा आणि ऐकण्याचा काळ होता
शाळेचा मजा काही औरच होता
नव्या कोऱ्या पुस्तकाचा कोरा कोरा वास
नव्या वहीच्या कव्हर ला स्टीकर ची आरास
वहीच्या आत नेहमीच घोळ होता
शाळेचा मजा काही औरच होता
एक रुपयाचा वडा पाव
त्यात चार आण्याचा शेअर होता
तुटक्या फळीचा batball आणि
पुठ्याने टेनिस चा खेळ होता
शाळेचा मजा काही औरच होता
दिवस तसे चांगले,स्वप्नाळू डोळ्यांचे
स्वप्नांच्या आकारला लिमिट नव्हता
शाळेचा मजा काही औरच होता
तेव्हा वाट पाहायचो,
लवकर मोठं होण्याची
स्वतत्र लाईफ जगण्याची
या नव्या लाईफ चा झटका खूप हॉरर होता
आणि खरच
शाळेचा मजा काही औरच होता
No comments:
Post a Comment