देवा तुझ्यासाठी काय केलं नाही ?
केले उपास तपास आणि अनुष्ठाने लक्ष
कधी खाल्ली नुसती केळी
कधी राहिलो नुसता निर्जळी
देवा तुझ्यासाठी काय केलं नाही ?
घातला तूला दुधाचा अभिषेक
बोलला भगत तेव्हा दिला बळी कोंबडा सुरेख
घातल्या माळा, दिली ती देणगी
देवा तुझ्यासाठी काय केलं नाही ?
हसून देव बोले बाळा माझ्या
मी कधी सांग काय मागितलं तुला ?
केलं सांर तू, जे वाटे तुझ्या मनास
राहिलास फक्त करायचं प्रेम ,
गेलास दाटून भयाने भक्तीला सोडून.
No comments:
Post a Comment